Policia e Shtetit ka reaguar ndaj lajmeve të shpërndara në rrjetet sociale, sipas të cilave në radhët e policisë së angazhuar në tubimin e 15 tetorit në Tiranë kishte edhe punonjës policie nga Serbia.
Në reagimin zyrtar, Policia e Shtetit i cilëson këto pretendime si tërësisht të pavërteta dhe dashakeqe, duke theksuar se synojnë të shfrytëzojnë ndjenjat nacionaliste për të krijuar klimë konfliktuale dhe për të dëmtuar besimin e qytetarëve te institucioni
Reagimi i plotë:
REAGIM I POLICISË SË SHTETIT
Policia e Shtetit shpreh keqardhjen për përhapjen e lajmeve të pavërteta në rrjetet sociale, përmes të cilave pretendohet se në radhët e saj janë angazhuar punonjës policie nga Serbia.
Përhapja e këtyre pretendimeve tërësisht të pavërteta dhe dashakeqe synon të shfrytëzojë ndjenjat nacionaliste për të krijuar klimë konfliktuale dhe për të cenuar besimin e qytetarëve te Policia e Shtetit.
Policia e Shtetit sqaron se në tubimin e datës 15.10.2026, ashtu si në çdo tubim tjetër, janë angazhuar vetëm punonjës të Policisë së Shtetit, të planëzuar në shërbim në bazë të planit të masave. Pretendimi për angazhimin e punonjësve të policisë nga Serbia është tërësisht i pavërtetë.
