Policia jep detaje për aksidentin ku vdiq futbollisti 22-vjeçar

Policia e Kosovës ka dhënë detaje rreth aksidentit që ndodhi në rrugën Mitrovicë–Prishtinë ku vdiq futbollisti nga Vushtrria, Fatjon Bunjaku.

Sipas policisë në vetaksidentin e ndodhur në zonën e fshatit Maxhunaj, janë lënduar edhe dy persona.

“Si pasojë e aksidentit, drejtuesi i automjetit dhe dy pasagjerë kanë pësuar lëndime trupore dhe janë dërguar për trajtim mjekësor. Ndërsa rreth orës 07:50, nga Shërbimi Spitalor Klinik Universitar i Kosovës (ShSKUK) është pranuar njoftimi se, përkundër përpjekjeve të personelit mjekësor, drejtuesi i automjetit viktima mashkull 22 vjeçar, ka vdekur si pasojë e lëndimeve të marra në aksident”, ka njoftuar policia.

Viktima e aksidentit që ndodhi mbrëmë ishte 22-vjeçar.