Presidentja e Republikës së Kosovës, Vjosa Osmani, priti sot në takim lamtumirës ambasadorin e Gjermanisë në Kosovë, Jörn Rohde, të cilin e falënderoi për angazhimin dhe kontributin e tij gjatë mandatit diplomatik në vend.
Osmani ritheksoi se Gjermania mbetet partner strategjik i rëndësishëm për Republikën e Kosovës, duke theksuar se marrëdhëniet mes dy vendeve janë në rritje të vazhdueshme. Në këtë kontekst, ajo veçoi rëndësinë e bashkëpunimit ekonomik, ku një rol të veçantë ka pasur edhe mërgata kosovare në Gjermani, e cila përmes investimeve dhe angazhimit të saj përbën një urë të fuqishme lidhëse mes dy popujve.