Kryetari i Junikut dhe kandidat i LDK-së për edhe një mandat në krye të kësaj komune, Ruzhdi Shehu, përmes një videomesazhi ka prezantuar projektet e realizuara gjatë mandatit të tij.
Shehu veçoi projektin e rrugës Junik–Rastavicë, me vlerë dy milionë euro, e cila lidh Junikun me Deçanin, Gjakovën dhe Pejën.
“Ky projekt i madh përfshin infrastrukturë moderne nëntokësore, trotuare të sigurta, sinjalizim horizontal e vertikal, mure mbrojtëse dhe ndriçim smart”, tha ai.
Shehu u shpreh krenar që pas katër dekadash kjo rrugë është ndërtuar plotësisht dhe shtoi se nuk do të ndalet së realizuari projekte të këtij standardi.
