Lidhja Demokratike e Kosovës (LDK), dega në Vushtrri, ka akuzuar për korrupsion kryetarin e komunës, Ferit Idrizin.
Përmes një reagimi në ‘Facebook’, nga LDK-ja në Vushtrri kanë publikuar pamje të dërguara nga qytetarët ku tregohet se asfalti për tri Dumnicat e Vushtrrisë është çarë. Nga çarjet, sipas pamjeve, janë parë edhe fije të barit.
“Dje Ferit Idrizi, Kryetar i Vushtrrisë, preu shiritin e rrugës për 3 Dumnicat. Sot, qytetarët na dërguan video ku shihet bari që po del në asfalt! Kjo është fytyra e punëve shkel e shko: asfalt që nuk e mban as një ditë, cilësi zero, para publike të hedhura veç për fushatë.
Në vend të infrastrukturës, kemi korrupsion, pasurim të kompanisë dhe stafit të Kryetarit Idrizi. E tash, duket që shiritat po i prejnë edhe për punë të pa kryme ose për punë të kryme keq!“, kanë shkruar LDK’ja në Vushtrri në reagim.
