Deputeti i Partisë Demokratike të Kosovës, Rashit Qalaj, ka deklaruar se nuk do ta mbështesë me votë asnjë nga kandidatët serbë për pozitën e nënkryetarit të Kuvendit, përfshirë Nenad Rashiqin.
Ai u shpreh kategorik në qëndrimin e tij, duke thënë se nuk do të bëhet pjesë e asnjë procesi që bie ndesh me Kushtetutën.
“Nuk e votoj as Nenad Rashiq e as Nenada të tjerë, për shkak se nuk dua të jem pjesë e shkeljeve Kushtetuese,” ka thënë Qalaj për gazetarët para seancës, duke komentuar zhvillimet rreth konstituimit të Kuvendit të Kosovës.
Ai gjithashtu i drejtoi një pyetje Vetëvendosjes, duke ngritur shqetësimin se si mund të përfshihen në institucione njerëz që, sipas tij, kanë qenë të lidhur me akte kriminale kundër Kosovës.
