Raportohet se është djegur restoranti i deputetit të VV-së, Halil Thaçi

Një zjarr i madh ka përfshirë restorantin në pronësi të deputetit të Lëvizjes Vetëvendosje, Halil Thaçi, në Obiliq.

Sipas Indeksonline bëhet e ditur se flakët janë shpërndarë me shpejtësi të madhe në objekt.

Ende nuk dihen shkaqet e zjarrit dhe nëse ka persona të lënduar, ndërsa autoritetet e sigurisë kanë nisur hetimet për zbardhjen e rrethanave të incidentit.

Kujtojmë se deputeti Halil Thaçi është kandidat për kryetar të Obiliqit, ku në balotazh do të përballet me kryetarin aktual nga radhët e LDK-së, Xhafer Gashin.