Rasti i rezervave shtetërore, mbyllet për media seanca fillestare ndaj ministres Hajdari dhe të tjerëve

Ministrja në detyrë e Industrisë, Ndërmarrësisë dhe Tregtisë, Rozeta Hajdari është paraqitur në gjykatë, ku po mbahet seanca fillestare lidhur me rastin e njohur si “Rezervat Shtetërore”.

Në këtë seancë gjyqësore, në bankën e të akuzuarve janë paraqitur edhe Irfan Lipovica, Hafiz Gara dhe Ridvan Muharremi.

Seanca është mbyllur për media, teksa ka kaluar në seancë private.

Kjo seancë ka për qëllim shqyrtimin e aktakuzës dhe deklarimin e të pandehurve lidhur me fajësinë ose pafajësinë e tyre, si dhe trajtimin e çështjeve procedurale që mund të parashtrohen nga palët.