Rrahmani: Nga 100 euro që i keni marrë sot, 20 euro duhet t’ia paguani Valës nëse dëshironi ta shikoni kampionatin

Kandidati për deputet nga PDK, Eman Rrahmani ka reaguar pas ekzekutimit të 100 eurove për punëtorët e sektorit privat.

Ai ka thënë se nga 100 euro që i keni marrë sot, 20 euro duhet t’ia paguani Valës nëse dëshironi ta shikoni kampionatin

“Nga 100 euro që i keni marrë sot, 20 euro duhet t’ia paguani Valës nëse dëshironi ta shikoni kampionatin. Shikojeni faturën e rrymës, të ujit, të mbeturinave dhe shpenzimet e naftës në krahasim me një vit më parë. Nuk po i llogarisim fare çmimet e bukës, vajit, qumështit, sheqerit e produkteve të tjera.

Prandaj, krahasojeni jetesën tuaj para një viti me të sotmen. Me të njëjtën pagë, a kishin më shumë vlerë atëherë, apo sot kur ju janë dhënë 100 euro?

Pra, të jep 100 euro për një muaj, ndërsa gjatë 12 muajve t’i merr nga xhepi mbi 200 euro në muaj përmes rritjes së kostos së jetesës.

Të ka nënshtruar ideologjikisht dhe të ka varfëruar ekonomikisht.”, shkroi Rrahmani.