Eman Rrahmani, deputet i zgjedhur nga lista e Partisë Demokratike të Kosovës ka thënë se nuk janë shkrirë në PDK, por kanë marrëveshje.
Ai në emisionin “DPT te Fidani” në Klan Kosova tha se janë pjesë e grupit parlamentar të PDK-së dhe ashtu do të vazhdojnë të jenë.
“Ne e kemi identitetin tonë të cilin e kemi pasur edhe para se të bëjmë koalicion, marrëveshje me PDK-në, ne nuk jemi shkri në Partinë Demokratike të Kosovës, mirëpo kemi koalicion, marrëveshje që për katër vjet i shty përpara çështjet dhe ato që ne i kemi parë të rëndësishme”.
“Tani ne jemi pjesë e grupit parlamentar të Partisë Demokratike, do të vazhdojmë me qenë ashtu dhe në të ardhmen natyrisht që ka shumë diskutime, punë dhe angazhim, të cilat do të vendosin hapat se si do të veprohet dhe si do të angazhohemi e punojmë”, u shpreh ai.
