Njohësi i çështjeve të sigurisë, Burim Ramadani, ka reaguar pas njoftimit të EULEX-it për shtim të trupave për shkak të zgjedhjeve lokae, duke thënë se sa herë që rritet EULEX-i, merret një copë sovraniteti.
“Sa herë rritet EULEX-i, na merret ‘një copë’ sovraniteti. EULEX-it njoftoi se sërish ka rritur trupat policore, tash përkohësisht për zgjedhjet lokale”, tha ai.
Ramadani pastaj i shtroi disa pyetje, duke thënë se si u bë e paaftë Kosova që të sigurojë mbarëvajtjen e zgjedhjeve, sidomos në Veri të vendit.
“Pse EULEX-i po rritet për sigurinë e zgjedhjeve lokale? Si u bë që Kosova nuk qenka e aftë për të siguruar mbarëvajtjen e zgjedhjeve vet? A e dini që EULEX nuk e njeh shtetin e Kosovës?! Rrjedhimisht, kushdo që ju shet përralla për sovranitet – përplasjani fytyrës faktin që u fuqizuar EULEX-i! Nëse kanë një të tillë!”, tha në fund Ramadani.
