Sadri Shala ka publikuar një shkrim pas vizitave te ish-presidenti Hashim Thaçi dhe ish-kryetari i Kuvendit, Kadri Veseli, duke treguar mesazhin që, sipas tij, ata ua kanë përcjellë bashkëluftëtarëve.
“Qëndroni të bashkuar, ju ushtarë të UÇK-së. Vizitoni familjet e dëshmorëve, përshëndetini dhe përcilluni atyre të falat dhe përshëndetjet tona më të përzemërta. Ata janë themeli i shtetit tonë”, thuhet në mesazhin e publikuar nga Shala.
Shkrimi:
🛑 PAS KËTYRE MUREVE MBAHEN ÇLIRIMTARËT DHE THEMELUESIT E SHTETIT TË KOSOVËS!🇽🇰
Sa herë që kam vizituar z. Hashim Thaçi dhe z. Kadri Veseli, kam përjetuar emocione të papërshkrueshme. Por, mbi të gjitha, kam parë forcën, qëndresën dhe vendosmërinë e burrave që një pjesë të madhe të jetës ia kushtuan atdheut.
Mesazhi i tyre ka qenë gjithmonë i njëjtë dhe i qartë: “Qëndroni të bashkuar, ju ushtarë të UÇK-së. Vizitoni familjet e dëshmorëve, përshëndetini dhe përcilluni atyre të falat dhe përshëndetjet tona më të përzemërta. Ata janë themeli i shtetit tonë.”
Këto fjalë tregojnë se as muret, as izolimi dhe as padrejtësitë që ata po përjetojnë nuk ua kanë zbehur përkushtimin ndaj atdheut, bashkëluftëtarëve dhe familjeve të dëshmorëve.
