Ish-deputeti i LDK’së, Driton Selmanaj, ka shkruar rreth temës së profileve të rrejshme, debat i nxitur nga profili “Lule Gjeli”. Selmanaj ka thënë një model të tillë në Kosovë e ka instaluar dhe mirëmbajtur Lëvizja Vetëvendosje dhe Albin Kurti.
“Fatkeqësisht, këtë model në Kosovë e sollën dhe e kultivuan me kujdes Albin Kurti dhe Lëvizja Vetëvendosje, duke e instaluar gjuhën e urrejtjes, shpifjen, linçimin publik dhe lajmet e rreme si instrumente të veprimit politik”, ka shkruar ai.
Ai ka rikujtuar se si në vitin 2021 kishte qenë cak i sulmeve të tilla në rrjete sociale.
Reagimi i plotë:
Modeli i luftës hibride, i përfaqësuar nga “Lule Gjelat”, “Lule Laknat” dhe qindra e mijëra profile të tjera të ngjashme, nuk janë shpikje kosovare. Ky është një model i importuar nga regjime me mendësi pansllaviste, ku propaganda, linçimi dhe dezinformimi zëvendësojnë debatin demokratik, ndërsa kundërshtari politik trajtohet si armik për t’u eliminuar, jo si rival për t’u sfiduar me argumente.
Fatkeqësisht, këtë model në Kosovë e sollën dhe e kultivuan me kujdes Albin Kurti dhe Lëvizja Vetëvendosje, duke e instaluar gjuhën e urrejtjes, shpifjen, linçimin publik dhe lajmet e rreme si instrumente të veprimit politik.