Sërish përplasje mes Fitore Pacollit dhe një tjetër qytetari, ndërhyn Policia

Një tjetër incident ka ndodhur mes deputetes së Lëvizjes Vetëvendosje, Fitore Pacolli, dhe një tjetër qytetari, pas akuzave se familjarë të saj kanë përfituar shuma të mëdha nga buxheti i shtetit.

Teksa e njëjta ishte nisur për në Kuvend, ku pas pak pritet të mbahet seanca e 53-të për konstituimin e Kuvendit, një qytetar i doli para me një dokument në dorë, ndërsa e akuzon hapur.

“Për hajne, e ki me dokument. Nuk po të kërcënoj, për hajne e ki me dokument, të lutem… Kur ta kish qefin, unë të thash kjo letër o e jotja, të lutem, me dokument po ta them”, dëgjohet të thotë ai.

“Kur të duash ballafaqohemi me drejtësi, shko te organet e rendit, mos hajde te unë”, dëgjohet teksa ia kthen Pacolli dhe largohet nga vendi i ngjarjes.