Kandidati i Lidhjes Demokratike të Kosovës për kryetar të komunës së Shtimes, Kastriot Shabani e ka vizituar klubin e ri futbollistik “Shtimja 26”, për të cilin tha se shumë shpejt do të garojë në Superligë.
Shabani u njoh me entuziazmin, përkushtimin e energjinë e lojtarëve dhe stafit të tyre, për të cilën tha se është shembull frymëzues për sportin tonë.
“Sot pata kënaqësinë të vizitoj klubin e ri futbollistik Shtimja 26, që shumë shpejt do të garojë në Superligë. Entuziazmi, përkushtimi dhe energjia që pashë tek lojtarët dhe stafi i tyre është shembull frymëzues për sportin tonë”.
“Jam i bindur se Shtimja 26 do të sjellë emocione të reja për tifozët dhe do të kontribuojë në ngritjen e futbollit vendor. Ju uroj suksese në rrugëtimin e ri dhe jam me ju në çdo hap!”, shtoi Shabani.
