Shala dhe Abdixhiku nga Mushtishti: LDK sjell vizionin për një Suharekë të re me zhvillim, mundësi për të rinjtë dhe rikthim të besimit qytetar

Kandidati nga Lidhja Demokratike e Kosovës për kryetar të Komunës së Suharekës, Ardian Shala ka mbajtur tubim sot në vendlindjen e tij në Mushtisht, shkruan GazetaDemos.

I pranishëm në takim ishte edhe kryetari i LDK-së, Lumir Abdixhiku ku u prezantua programi AShE dhe projektin vizionar “Bjeshka dhe Qyteti”.

“Kjo është rruga që i duhet Suharekës: zhvillim i qëndrueshëm, mundësi të reja për të rinjtë, dhe lidhje e natyrës me qytetin”, shkroi Shala.

Ai tha se Suhareka nuk meriton të ngelet peng i një pushteti që ka humbur besimin e qytetarëve. Është koha për ndryshim, për punë dhe rezultate konkrete.

Postimi i plotë:

Mushtishti

Sot, në Mushtisht, në vendlindjen time, bashkë me kryetarin e LDK-së z. Lumir Abdixhikun, pata nderin të jem mes bashkëfshatarëve të mi dhe të prezantoj programin AShE, bashkë me projektin vizionar “Bjeshka dhe Qyteti”. Kjo është rruga që i duhet Suharekës: zhvillim i qëndrueshëm, mundësi të reja për të rinjtë, dhe lidhje e natyrës me qytetin.

kryetari i LDK-së, Lumir Abdixhiku, potencoi se fitorja e LDK-së në Suharekë është domosdoshme për fitoren e LDK-së në Kosovë.

Suhareka nuk meriton të ngelet peng i një pushteti që ka humbur besimin e qytetarëve. Është koha për ndryshim, për punë dhe rezultate konkrete.

Unë besoj se me programin tonë dhe me mbështetjen tuaj, do ta kthejmë Suharekën në një vend ku njerëzit jetojnë me dinjitet dhe shpresë.

#ArdianShala113

#LDK

#SuharekaPërtej