Sheshi i Vlorës do të mbajë emrin e komandantit legjendar Adem Jashari

Sheshi i Vlorës do të mbajë emrin e komandantit legjendar Adem Jashari

Deputetja Sala Jashari dha detaje. ”Emërimi i sheshit të Vlorës me emrin e figurës së lavdishme të Kosovës, komandantit legjendar Adem Jashari, është shumë më tepër se një akt simbolik. Është dëshmia e një ure të fortë dhe të pathyeshme mes Prekazit të Kosovës dhe Vlorës së Shqipërisë.

Nga Vlora e flamurit dhe nga qyteti i Ismail Qemalit, dërgohet mesazh për gjithë shqiptarët:

Se historia jonë nuk është vetëm kujtim, është amanet. Se liria që u shpall në Vlorë dhe u mbrojt me gjak në Prekaz është një dhe e pandashme.

Sepse nga Vlora ku u ngrit flamuri i lirisë, deri te kullat e Adem Jasharit ku ai flamur u mbrojt me jetë, shtrihet një histori e vetme: Historia e qëndresës shqiptare”, shkroi ajo në “Facebook”.