Shkakrimi i gjyqtarëve serbë, Haxhiu: Lajm i keq që KGJK nuk veproi njejtë sikurse KPK

Ushtruesja e detyrës së presidentit, Albulena Haxhiu, e ka cilësuar si lajm shumë të keq faktin që KGJK nuk ka vendosur për ndërprerje të kontratave të punës të gjyqtarëve serbë, njëjtë siç kishte vepruar Këshilli Prokurorial.

Haxhiu ka thënë se i ka dërguar edhe një shkresë kryesuesit të KGJK-së, ku e ka njoftuar me një raport për integritetin e gjyqtarëve serbë.

Ajo ka thënë se e ka ftuar të njëjtin edhe në një takim, pro s’ka marrë ende përgjigje.

“Lajm shumë i keq që atë ditë KGJK nuk veproi njëjtë sikur KPK dhe në linjë me përgjegjësitë ligjore. Iu kam dërguar shkresës kryesuesit të KGJK-së e kam njoftuar për raportin që unë kam në raport me integritetin e gjyqtarëve serbë. S’më është përgjigjur në atë letër. E kam njoftuar për disa çështje, e i kam thënë që e pres në takim” ka thënë ajo.

“Pres që sa më parë KGJK të veprojë në raport me përgjegjësitë”, ka shtuar tutje Haxhiu.