Kandidati i PDK-së për kryetar të Komunës së Lipjanit, Shukri Buja, ka marrë një mbështetje të fuqishme gjatë takimeve me qytetarët e Shalës dhe Krojmirit, ku bashkë me shtabet lokale të partisë u prit me mikpritje të jashtëzakonshme, transmeton Demos.
Buja theksoi se në mandatin e tij si kryetar janë realizuar miliona euro investime në këto vendbanime dhe premtoi investime të tjera për mandatin e ardhshëm.
Postimi i plotë:
Shala dhe Krojmiri: gjithmonë bastione të PDK-së!
Edhe sonte, takimet tona me shtabin e PDK-së në Krojmir dhe Shalë e dëshmuan fuqinë e këtij besimi. Mikpritja e jashtëzakonshme nga banorët tejkaluan çdo parashikim.
Në mandatet e mia si kryetar, në Shalë dhe Krojmir janë investuar miliona euro në projekte konkrete për zhvillim. Në mandatin e ardhshëm, do të investojmë miliona të tjera për t’i bërë këto vendbanime shembull të zhvillimit dhe mirëqenies.
Së bashku me Ganen dhe Pajtimin në Krojmir, si dhe Edisonin në Shalë, kandidatët tanë për Asamblenë Komunale, që sjellin përvojë dhe energji të re, do t’i shndërrojmë Shalën dhe Krojmirin në qendra moderne urbane, të denja për të jetuar e për të punuar.
