Deputeti i VV-së, Naim Bardiqi, ka komentuar mesazhet e tij në seancën e mbrëmshme për president ku i thoshte një miku të tij se presidentin po e zgjedhin në mënyrën karate, dhe se do ta presin vendimin e Gjykatës Kushtetuese.
Bardiqi ka thënë se me këtë mesazh i është cenuar privatësia, dhe se përmbajtja e tij është nxjerrë nga konteksti.
“Ndoshta kam përdor zhargon jopopullor por privat. Dhe konsideroj se është cënim i privatësisë. Mesazhi është i nxjerrur prej kontekstit sepse ka komunikim para dhe pas”, tha ai në Dukagjin.
I pyetur se si është të ‘zgjidhet presidenti karate’, ai tha se ‘tash ju mund ta interpretoni si të doni’, duke shtuar se “zgjedhja karate është pa prezencën e opozitës”.
