Skandali në Lumadh: Rruga për xhaminë mbetet në baltë, asfaltohet vetëm oborri i kandidatit të PDK-së, reagojnë nga LDK

Lidhja Demokratike e Kosovës dega në Vushtrri ka reaguar ashpër ndaj një veprimi të kandidatit për Asamblenë Komunale nga radhët e PDK-së në fshatin Lumadh, i cili, sipas banorëve, ka asfaltuar rrugën vetëm deri në oborrin e vet, duke lënë të pa trajtuar pjesën e planifikuar për parkingun para xhamisë dhe shtëpisë së komunitetit.

Sipas LDK-së dega në Vushtrri të PDK-së mendojnë vetëm për interesat e tyre personale, jo për të mirën e banorëve dhe fshatit.

“Sa fatkeqësi për Lumadhin!

Kandidati për Asamble Komunale nga radhët e PDK-së paska asfaltuar rrugën deri në oborrin e vet, ndërsa pjesa e planifikuar për parkingun para xhamisë dhe shtëpisë së komunitetit ka mbetur në baltë.

Si gjithmonë, ata të PDK-së mendojnë vetëm për interesat e tyre personale, jo për të mirën e banorëve dhe fshatit tonë.”, thuhet në reagim.