Ministrja për Evropë dhe Punë të Jashtme e Shqipërisë, Elisa Spiropali, në një mbledhje të mbajtur sot të ministerialit të OSBE-së ka folur edhe për rajonin e Ballkanit Perëndimor dhe për sigurinë e kësaj pjese të Evropës.
Spiropali ka thënë se për Shqipërinë prioritet janë stabiliteti dhe siguria kudo në Evropë.
Për të pasur siguri dhe përparim të qëndrueshem në rajon, Spiropali ka thënë se duhet të njihet Kosova si shtet i pavarur dhe sovran.
“Paqja, stabiliteti dhe siguria kudo në Europë, vijojnë të jenë prioritetet tona kryesore. Siguria dhe përparimi i qëndrueshëm në rajonin tonë fillon me njohjen e Kosovës si shtet i pavarur dhe sovran”, ka thënë Spiropali.
