Spitali i Gjakovës jep detaje rreth gjendjes se të lënduarve në aksidentin në Korenicë

Nëntë persona janë lënduar nga një aksident në komunikacion në Korenicë të Gjakovës.

Spitali i Gjakovës ka dhënë detaje rreth gjendjes së të lënduarve.

Rreth orës 14:00, në Shërbimin Emergjent të Spitalit janë pranuar 9 pacientë të lënduar si pasojë e një aksidenti në komunikacion, të ndodhur në fshatin Korenicë, Gjakovë, ku janë përfshirë dy automjete.

Menjëherë pas pranimit janë kryer të gjitha ekzaminimet dhe shërbimet e nevojshme mjekësore, përfshirë ekzaminimet imazherike (RTG dhe CT), analizat laboratorike, si dhe konsultimet nga specialistët përkatës.

Gjendja e të gjithë pacientëve është stabile.

Pas ekzaminimit dhe trajtimit:

* 5 pacientë janë pranuar për trajtim spitalor.

* 4 pacientë, pas marrjes së trajtimit të nevojshëm mjekësor, janë liruar për trajtim në shtëpi.

Të gjithë pacientëve u është ofruar trajtimi i nevojshëm mjekësor në përputhje me gjendjen e tyre klinike.

Apelojmë te të gjithë pjesëmarrësit në komunikacion që të respektojnë rregullat e trafikut dhe të vozisin me kujdes. Respektimi i rregullave të komunikacionit është mënyra më e mirë për të mbrojtur jetën dhe shëndetin tuaj, të familjeve tuaja dhe të të gjithë qytetarëve