Studentët nuk ndalen: Paralajmërohet protestë e re të dielën para Ministrisë së Arsimit

Pavarësisht tensioneve dhe përplasjeve të ashpra me policinë gjatë tubimit të së shtunës në Tiranë, studentët kanë njoftuar se do të rikthehen sërish në rrugë ditën e nesërme.

Sipas paralajmërimit të tyre, protesta e radhës do të zhvillohet të dielën, në orën 14:00, përpara godinës së Ministrisë së Arsimit.

Të rinjtë bëjnë me dije se nuk do t’i ndalin tubimet dhe se do të mblidhen sërish në shesh për të këmbëngulur në plotësimin e kërkesave dhe për të shprehur pakënaqësitë e tyre ndaj pushtetit.