Kandidati i Lëvizjes Vetëvendosje për kryetar të komunës së Podujevës edhe për një mandat, Shpejtim Bulliqi ka njoftuar se nga nesër Poliklinikës Specialistike në Podujevë po i shtohen 15 shërbime specialistike.
“E nisim javën me një super lajm sepse nga dita e nesërme qytetarëve të Komunës së Podujevës do t’u ofrohen 15 shërbime shëndetësore në Poliklinikën Specialistike. Pas përurimit të Repartit të Hemodializës në këtë Poliklinikë, nga dita e martë do të nisin punën edhe 15 mjekë specialistë: gjinekologu, reumatologu, kardiologu, endokrinologu, hematologu, gastroenorologu, nefrologu, pulmologu, ortopedi, kirurgu abdominal, kirurgu, torakal, kirurgu vaskular, urologu, pediatri dhe neurologu”, tha Bulliqi.
I pari i Podujevës gjithashtu shtoi se çdo ditë pune (nga e hëna në të premten) do të punojnë nga katër ambulanca specialistike prej orës 08:00 deri në orën 14:00.
Të hënën do të ofrohen shërbime specialistike në kardiologji, hematologji, pulmologji dhe ortopedi;
Të martën do të ofrohen shërbime specialistike në reumatologji, gastroenerologji, kirurgji abdominale dhe pediatri;