“Superheronjtë” nga Policia surprizojnë fëmijët në Pediatri

Pjesëtarë të Policisë së Kosovës kanë surprizuar fëmijët në repartin e Pediatrisë në kuadër të ngajrjes “Superheronjtë në Pediatri 2025”.

Policët kanë kryer lëshime me litar nga ndërtesa duke sjellë atraksion për fëmijët.

“Në kuadër të ngjarjes filantropike ‘Superheronjtë në Pediatri 2025’, Policia e Kosovës përmes pjesëtarëve të saj nga Njësia Speciale e PK-së ka marrë pjesë në këtë aktivitet, ku zyrtarët e njësisë speciale kanë kryer lëshime me litar nga ndërtesa e Pediatrisë”, thuhet në komunikatën e Policisë së Kosovës.

“Ky aktivitet që kishte për qëllim argëtimin e pacientëve të vegjël dhe stafit mjekësor, u ndoq nga institucione, qytetarë dhe media vendore e ndërkombëtare”.