Tahiri i AAK-së në përkrahje të rinisë: Rinia mbetet forca që i jep ritëm ndryshimit

Kandidati për deputet nga Aleanca për Ardhmërinë e Kosovës, Besnik Tahiri ka ndarë pamje nga Kuvendi Zgjedhor i Aleancës së të rinjëve në Prishtinë, shkruan GazetaDemos.

Ai shprehu mirënjohje për Kreshnik Smajlajn dhe punën e tij të palodhshme ndaj fuqizimit të rinisë në Prishtinë, duke uruar edhe kryetaren e re të rinisë së AAK-së, Olsa Dragushën.

”Rinia mbetet forca që i jep ritëm ndryshimit dhe garancia më e mirë për rrugëtimin tonë përpara” – shkroi 2-shi i AAK-së.

Postimi i plotë:

Kuvendi Zgjedhor i Aleancës së të Rinjve në Prishtinë dëshmoi mobilizim të jashtëzakonshëm, energji pozitive dhe vullnet të madh për angazhim. Ishte kënaqësi të shihje kaq shumë të rinj të bashkuar rreth ideve dhe vizionit për të ardhmen.

Mirënjohje e veçantë për Kreshnik Smajlaj, për punën e palodhshme, organizimin shembullor dhe përkushtimin e vazhdueshëm ndaj fuqizimit të rinisë në Prishtinë. Angazhimi i tij ka krijuar hapësirë dhe besim për shumë të rinj që sot janë pjesë aktive e proceseve tona.

Urime Olsa Dragushës për zgjedhjen në krye të Aleancës së të Rinjve në Prishtinë! Të priftë e mbara në këtë përgjegjësi të re, me besimin se energjia dhe angazhimi yt do t’i japin forcë e dinamikë rinisë së kryeqytetit.

Rinia mbetet forca që i jep ritëm ndryshimit dhe garancia më e mirë për rrugëtimin tonë përpara.

Postimi i plotë: KËTU