Të shtëna me armë në një aheng familjar në Ferizaj, sekuestrohet pistoleta

Një armë zjarri është sekuestruar pas të shtënave gjatë një ahengu familjar në fshatin Surqinë të Ferizajt.

Sipas Policisë, rasti është raportuar më 12 tetor, rreth orës 18:30, ndërsa njësitë policore kanë dalë në vendin e ngjarjes, ku kanë siguruar prova dhe kanë identifikuar të dyshuarin, E.B., 22-vjeçar.

Gjatë veprimeve policore është sekuestruar një pistoletë me karikator, si dhe dy gëzhoja të kalibrit 9 mm.

Me autorizim të prokurorit të shtetit, rasti është iniciuar për veprat penale “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm”.

Pas intervistimit, i dyshuari është liruar dhe rasti do të vazhdojë në procedurë të rregullt.