Të shtëna me armë zjarri në një qendër tregtare në Michigan, dy viktima

Të paktën dy persona kanë humbur jetën dhe një tjetër ka mbetur i plagosur si pasojë e një sulmi me armë zjarri në Qendrën Tregtare Fairlane Town Center, në qytetin Dearborn të shtetit Michigan, SHBA.

Sipas mediave amerikane, ngjarja ndodhi të premten pasdite, ndërsa autoritetet kanë rrethuar zonën dhe po zhvillojnë hetime për të zbardhur rrethanat e incidentit.

Pas të shtënave, qendra tregtare është vendosur në gjendje bllokimi, ndërsa edhe Qendra Mjekësore Henry Ford – Fairlane ka aktivizuar masat e sigurisë.

Burime të cituara nga CBS bëjnë të ditur personi i plagosur u transportua në spitalin Corewell Health Dearborn për trajtim.

Policia u ka bërë thirrje qytetarëve të shmangin zonën, ndërsa deri më tani nuk janë bërë të ditura motivet e sulmit apo nëse është arrestuar ndonjë i dyshuar.