Qendra Skitare e Brezovicës po përballet me pakënaqësi të mëdha nga vizitorët, pasi teleferiku, i cili ishte premtuar të lëshohej në orën 09:00, nuk ka filluar punën as pas një ore vonesë, shkruan Gazeta Demos.
Vizitorët dhe qytetarët janë mbledhur në protestë sipas tyre për shkak të mashtrimeve të vazhdueshme nga menaxhmenti.
Sipas tyre, arsyetimet kanë qenë të ndryshme dhe kontradiktore: herë është përmendur “fryma e madhe” , herë “bllokimi i sistemit”, ndërkohë që njëri nga ski-liftat po funksionon pa asnjë problem.
Ankesa kanë mbërritur në redaksinë e Gazetës Demos, ku qytetarët theksojnë se ski-pasi ditor nuk po lejohet të përdoret, me arsyetimin se sistemi nuk po funksionon.