Një person është plagosur me armë zjarri mbrëmjen e së premtes në rrugën “Fatmir Dibra” në Skenderaj, në një rast që po hetohet si vrasje në tentativë.
Sipas Policisë së Kosovës, ngjarja ka ndodhur rreth orës 23:25, ku viktima, një mashkull kosovar, është dërguar për trajtim mjekësor në Spitalin e Mitrovicës, pasi dyshohet se është qëlluar me armë zjarri nga një tjetër mashkull kosovar.
Në vendin e ngjarjes, njësitet policore kanë sekuestruar tre gëzhoja, të cilat do të shërbejnë si provë materiale në hetim.
Pas marrjes së trajtimit mjekësor, viktima është liruar nga spitali, ndërsa i dyshuari ndodhet ende në arrati.
“VRASJE NË TENTATIVË
Rr. Fatmir Dibra, Skenderaj 31.07.2026 – 23:25. Viktima mashkull kosovar, është dërguar në Spitalin e Mitrovicë për tretman mjekësor, pasi që dyshohet se është plagosur me armë zjarri nga i dyshuari mashkull kosovar. Në vendin e ngjarjes janë sekuestruar 3 gëzhoja. Pas tretmanit mjekësor viktima është liruar. I dyshuari gjendet në arrati. Rasti është duke u hetuar”, thuhet në raportin 24-orësh të policisë.
