Tha se e kërcënoi dhe shpifi ndaj tij, Elmi Reçica padit gazetarin Vedat Xhymshiti

Elmi Reçica nga Partia Demokratike e Kosovës, ka ushtruar padi ndaj gazetarit Vedat Xhymshitit.

Siç njofton Reçica deri te ky vendim erdhi pas kërcënimeve ndaj tij dhe familjes së tij, si dhe për shkak të shpifjeve të vazhdueshme publike.

Reçica shprehu besimin e tij në drejtësi teksa tha gjithashtu se beson që i njëjti do të merr dënimin e merituar.

“Të dashur qytetarë, Sot kam ushtruar padi dhe kallëzim penal ndaj Vedat Xhymshitit (“Vudi”) për shkak të kërcënimeve ndaj meje dhe familjes sime, si dhe për shkak të shpifjeve të vazhdueshme publike.

Kam besim të plotë se drejtësia do ta thotë fjalën e saj dhe se këta shpifës e kërcënues do ta marrin dënimin e merituar”, tha ai.