Presidenti i Shteteve të Bashkuara, Donald Trump, ka deklaruar se Irani mund të përballet me pasoja të rënda nëse nuk arrihet një marrëveshje mes palëve.
Në një intervistë telefonike për BFMTV, Trump tha se nuk është i sigurt nëse një marrëveshje do të arrihet së shpejti, por theksoi se mungesa e saj do të sillte zhvillime negative për Teheranin.
“Nuk kam asnjë ide nëse do ta bëjnë. Nëse nuk e bëjnë, do të kenë një kohë shumë të keqe. Më mirë të bëjnë një marrëveshje,” u shpreh ai.