U aksidentua rëndë në vendin e punës, vdes shqiptari në Itali

Një punëtor 50-vjeçar me origjinë shqiptare ka humbur jetën pas dy ditësh në spital, pasi u aksidentua rëndë në vendin e punës në Itali.

Ngjarja ndodhi më 27 prill në Castelfiorentino, ku ai u shtyp nga një betonierë gjatë punës në një kompani bujqësore.

Sipas raportimeve nga mediat italiane , makineria e rëndë është përmbysur papritur për arsye që ende nuk janë sqaruar.

I plagosur rëndë, ai u dërgua me helikopter në spitalin Careggi në Firence, por nuk arriti t’u mbijetojë plagëve dhe vdiq më 29 prill.

Autoritetet italiane kanë nisur hetimet për të zbardhur rrethanat e aksidentit, përfshirë edhe respektimin e masave të sigurisë në vendin e punës.