U përpoq ta ndalonte, motoçiklisti godet policin në Prishtinë

Një aksident trafiku ka ndodhur sot në rrugën “Garibaldi” në Prishtinë, në të cilin kanë qenë të përfshirë një motoçikletë dhe një zyrtar policor.

Zëdhënësi i policisë për kryeqytetin, Enis Pllana, tha se aksidenti ka ndodhur rreth orës 11:30 gjatë përpjekjes së policit për ta ndaluar, motoçiklisti e ka goditur atë dhe më pas është larguar nga vendi i ngjarjes.

“Zyrtari policor ka pranuar tretman mjekësor dhe rasti është duke u trajtuar nga njësitet relevante” , thuhet tutje në përgjigjen e tij.

Rasti është duke u trajtuar nga njësitet relevante të Policisë, ndërsa hetimet janë në vazhdim për identifikimin dhe kapjen e të dyshuarit.