Ish-diplomati Sylë Ukshini ka deklaruar se Partia Demokratike e Kosovës do të duhej ta pranonte ofertën e kreut të Nisma Socialdemokrate, Fatmir Limaj, për një garë të përbashkët zgjedhore.
Duke komentuar letrën që Limaj i ka dërguar kryetarit të PDK-së, Bedri Hamza, Ukshini , i ftuar në “FIVE” në Dukagjin, u shpreh se partitë opozitare që synojnë rritje elektorale duhet të jenë të hapura ndaj bashkëpunimeve politike.
“Limaj është një kundërshtar i PDK-së që ka qenë me një bllok së bashku me VV-në – tash janë kalkluime të brendshme politike dhe një parti opozitare që dëshiron të rritet është e natyrshme që të marrë edhe parti tjera. Partitë që dëshirojnë të rrisin kuotën nuk duhet të jenë indiferente ndaj një oferte të tillë. Limaj vetë i dogji kartat e veta pasi në koalicionin që kishte me Ramush Haradinaj jo pse shkoi te Vetëvendosje me shpresën që do ta bënin Kryetar të Kuvendit, por mendoj se ka lënë një shije të hidhur tek të gjithë e edhe tek PDK-ja që nesër mund të shkojë Limaj – e ka djegur vetveten ndonëse motivet i ka pasur të mira. U duk sikur Kurti e përdori dhe e dogji”, u shpreh Ukshini.
Megjithatë, Ukshini theksoi se PDK-ja duhet të tregojë pragmatizëm politik dhe ta pranojë Limajn, duke bërë krahasim me rikthimin politik të Vjosa Osmanit në Lidhjen Demokratike të Kosovës.
