Ushtarët turq të KFOR-it nga Batalioni i Forcës Rezervë Operacionale (ORF), kanë vazhduar stërvitjet e përditshme në të gjithë Kosovën.
Misioni i NATO-s në Kosovë ka njoftuar se në koordinim me instruktorët hungarezë, ata kanë kanë kryer stërvitje intensive për kontrollin e turmave dhe trazirave.
“Në koordinim me trajnerët hungarezë nga Batalioni Taktik Rezervë i KFOR-it (KTRBN), trupat përfunduan ushtrime intensive të Kontrollit të Turmave dhe Trazirave (CRC), duke forcuar gatishmërinë, qëndrueshmërinë dhe vendimmarrjen efektive nën presion”.
“Ushtrime të tilla janë thelbësore për të siguruar përgjigje të qeta dhe të koordinuara në situata sfiduese – duke kontribuar në efektivitetin e misionit dhe në një mjedis të sigurt për të gjithë njerëzit në Kosovë”, thuhet në një njoftim të KFOR-it.
