Ka ndërruar jetë personi që ishte vetaksidentuar me motoçikletë më 3 maj në Pejë, në rrugën “Perandori Justinian”.
Viktima pas aksidentit ishte dërguar për trajtim në QKUK për shkak të lëndimeve të rënda, ku kishte qëndruar në trajtim për rreth një javë.
Lajmin e ka konfirmuar për Gazeta Demos zëdhënësi i Policisë së Kosovës për rajonin e Pejës, Fadil Gashi, i cili ka bërë të ditur se rasti po hetohet.
“Sot rreth orës 09:00 jemi njoftuar nga QKUK-ja se ka vdekur personi i cili ishte vetaksidentuar me motoçikletë në rrugën ‘Perandori Justinian’ në Pejë. Ngjarja kishte ndodhur më 3 maj rreth orës 17:10. Ai ishte dërguar në QKUK për shkak të lëndimeve të rënda dhe sot pas një jave ka ndërruar jetë. Trupi i pajetë do të dërgohet për obduksion në IML. Rasti po hetohet”, ka thënë Gashi.
