Ka vdekur zyrtari korrektues në Qendrën Korrektuese të Dubravës, Bekim Sadikaj.
Lajmi u bë i ditur nga Shërbimi Korrektues i Kosovës.
Njoftimi i plotë:
Telegram Ngushëllimi
Me dhimbje të madhe morëm lajmin për ndarjen nga jeta të kolegut tonë, Bekim Sadikaj, i cili shërbente si zyrtar korrektues në Qendrën Korrektuese të Dubravës.
Ikja e tij e hershme na ka pikëlluar dhe la një boshllëk të madh në mesin e kolegëve dhe në gjithë Shërbimin Korrektues të Kosovës.
Në emër të Shërbimit Korrektues të Kosovës dhe në emrin tim personal, i shpreh ngushëllimet më të sinqerta familjes Sadikaj, kolegëve dhe të gjithë atyre që e njohën dhe e vlerësuan për përkushtimin, profesionalizmin dhe integritetin e tij.
Bekim Sadikaj do të kujtohet me respekt si një zyrtar i përkushtuar, i cili me punën dhe karakterin e tij la gjurmë të pashlyeshme në institucionin tonë.
