Erion Veliaj, i shkarkuar më 25 shtator nga posti i kryetarit të Bashkisë së Tiranës, ka depozituar një ankim në Gjykatën Kushtetuese kundër vendimit të Këshillit të Ministrave.
Në kërkesën e tij, Veliaj argumenton se neni 62 i Kushtetutës nuk mund të zëvendësojë nenin 115, por duhet interpretuar në harmoni me të. Sipas tij, shkarkimi pa prova për shkelje të rënda është i paligjshëm dhe bie ndesh me Kushtetutën.