Vendoset gurthemeli i sallës së sporteve në Shkollën “Kongresi i Manastirit” në Gllamnik, Bulliqi: Investim prej 385 mijë eurosh

Kryetari i komunës së Podujevës i cili rikandidon edhe për një mandat në zgjedhjet e 12 tetorit, Shpejtim Bulliqi, bashkë me zëvendësministrin për Zhvillim Rajonal, Ali Tafarshiku shkuan në fshatin Gllamnik.

Atje vendosën gurthemelin e sallës së sporteve për nevojat e Shkollës Fillore “Kongresi i Manastirit”.

Siç njoftoi Bulliqi, vlera e këtij projekti është 385 mijë euro, ku 135 mijë do t’i investojë Komuna dhe 250 mijë euro Ministria e Zhvillimit Rajonal.

“Falënderoj Ministrinë e Zhvillimit Rajonal për mbështetjen e vazhdueshme në realizimin e projekteve komunale për të mirën e qytetarëve tanë.

Urime banorëve të Gllamnikut dhe nxënësve të shkollës “Kongresi i Manastirit”!”, tha ai.