Veteranët e UÇK-së i japin mbështetje Besnik Osmanit: Përkrahja e tyre është garanci për sukses

Veteranët e UÇK-së nga komuna e Fushë Kosovës, i kanë dhënë mbështetje kandidatit të LDK-së, Besnik Osmani për kryetar të komunës.

Osmani përkrahjen e tyre e cilësoi si garanci për fitore.

“Mbrëmje fantastike me veteranët e UÇK-së të komunës sonë! Mirënjohës për këta qytetarë të ndershëm, që dikur mbrojtën atdheun me armë e sot e mbrojnë me vëmendje, dinjitet dhe angazhim në jetën publike, për ta bërë komunën tonë edhe më të mirë.

Përkrahja e tyre e fuqishme është garancia jonë për suksesin më 9 nëntor”, tha ai.