Është arrestuar i dyshuari për vrasjen e rëndë mbërmë rreth orës 22:00 në Mitrovicë, i cili si rrjedhojë e përdorimit të mjetit të mrephtë, thikës, la të vdekur një person, teksa plagosi edhe një tjetër.
Lajmin e ka konfirmuar Policia e Kosovës, me çrast bëri të ditur se viktima e kësaj përleshje i takon moshës 37-vjeçare.
Ndërsa, i dyshuari është 31-vjeçar.
Gjithashtu, Policia njofton se pas marrjes së veprimeve të nevojshme dhe pas arrestimit të dyshuarit, është sekuestruar mjeti i mprehtë (thika) me të cilën dyshohet se është kryer vepra penale.
Me aktvendim të prokurorit, të dyshuarit mashkull i moshës 31 vjeç, i është caktuar masa e ndalimit policor prej 48 orësh, ndërsa njësitet kompetente policore do të vazhdojnë me hetimet për zbardhjen e rrethanave të rastit.
