Vokshi Nallbani viziton një biznes në Pejë ku janë të punësuara kryesisht femra: Në qeverisjen time fuqizimi i gruas do të jetë prioritet

Kandidatja e PDK-së për kryetare të komunës së Pejës, Arta Vokshi Nallbani sot bashkë me kandidaten për Asamble, Edonjeta Berisha vizitutuan një biznes rrobaqepësie, biznesin “Real” ku pronari ka të punësuar kryesisht femra.

Vokshi Nallbani tha se ky biznes është shembull tregon qartë se kur u hapim dyert grave, ato i kthejnë mundësitë në sukses.

“Në qeverisjen time fuqizimi i gruas do të jetë prioritet. Do të mbështesim bizneset lokale, që krijojnë vende pune për femra, do të inkurajojmë ndërmarrëset e reja dhe do të sigurojmë kushte të barabarta për çdo vajzë e grua në Pejë.

Sepse Peja zhvillohet atëherë kur fuqizohen gratë e saj. “, tha ajo.