Vrasje në Rrogozhinë, 25-vjeçari godet me thikë fqinjin

Një 60-vjeçar ka humbur jetën mbrëmjen e së shtunës në Rrogozhinë, pas një konflikti të çastit me fqinjin e tij.

Sipas Policisë, ngjarja ka ndodhur rreth orës 21:50 në lagjen “Mollaj”.

Dyshohet se shtetasit M. M., rreth 25 vjeç, dhe Rr. M., rreth 60 vjeç, janë përfshirë në një konflikt për motive të dobëta, gjatë të cilit janë përdorur mjete prerëse, shkruan Euronewsal

Si pasojë, 60-vjeçari ka mbetur i plagosur rëndë dhe ka humbur jetën.

Policia thotë se pas njoftimit, shërbimet e Policisë kanë mbërritur në vendngjarje dhe kanë bërë të mundur kapjen dhe arrestimin e autorit të dyshuar.

Prokuroria e Durrësit po vijon veprimet për zbardhjen e plotë të rrethanave të ngjarjes.