Mosndarja ende e buxhetit nga Qeveria për organizimin e zgjedhjeve të 28 dhjetorit ka ngritur shqetësime të mëdha brenda Komisionit Qendror të Zgjedhjeve.
Përveç anëtarëve të VV-së, pjesa tjetër e KQZ-së ka theksuar rrezikun e vonesës së mjeteve financiare për procesin zgjedhor, i cili tashmë është në prag.
Megjithatë, Sami Kurteshi, ka zgjedhur t’i minimizojë këto shqetësime, duke dhënë përgjigje ironike për këtë çështje.
“Sa i përket buxhetit, mos e keni bre dert, ju kam treguar, ku nuk vjen qeveria, vi unë. A më kanë shpallur milioner? Pse po vuani për pare bre? Nuk bon na me vujt për pare. Nuk ka ngja najherë, ndonjë qeveri mos i dhanë të hollat. Ne e dimë qysh është gjendja tash. Gjenden mjetet. Kjo ngritja e shqetësimit për mjete është, hajt sa me thanë, me ia qit qeverisë, opozita duhet me i mshu qeverisë”, u shpreh Kurteshi.
