Zbulohet bixhoz në një lokal në Mitrovicë, sekuestrohen mijëra çipa

Policia e Kosovës ka zbuluar disa persona duke luajtur bixhoz në një lokal në rrugën “Kemajl Ataturk” në Mitrovicën e Jugut.

Rasti është evidentuar më 13 tetor, rreth orës 03:50, kur njësitë policore kanë vërejtur personat duke luajtur bixhoz në lokal.

Gjatë kontrollit të një të dyshuari, mashkull kosovar, policia ka gjetur dhe sekuestruar një thikë.

Në vendin e ngjarjes janë konfiskuar edhe katër kofera me gjithsej 1,610 çipa dhe tetë palë letra bixhozi.

Lidhur me rastin është njoftuar prokurori i shtetit, i cili ka udhëzuar që pronari i lokalit të intervistohet në cilësinë e të dyshuarit dhe të iniciohet rasti.