Zëdhënësi i AAK-së, Kushtrim Xhemaili garon për deputet më 28 dhjetor

Zëdhënësi i Aleancës për Ardhmërinë e Kosovës, Kushtrim Xhemaili, do të garojë për deputet në zgjedhjet e 28 dhjetorit.

Kështu ka njoftuar kreu i kësaj partie, Ramush Haradinaj, i cili tha se Xhemaili është ndër kuadrot më vitalë të AAK-së.

“Kushtrim Xhemaili, zëdhënësi i Aleancës, është ndër kuadrot tona më vitalë. Edukata e tij e lartë në punë dhe marrëdhëniet e shkëlqyera njerëzore e kolegiale që i mirëmban si me media ashtu edhe me publikun, janë inspirim për shumëkënd”.

“Nuk kishte si të mos ishte edhe kësaj radhe në listën e kandidatëve tanë. Duke besuar se do të vazhdojë të përcjellë pozitivitetin dhe funksionalitetin në veprim, i uroj suksese në këtë garë”, ka shkruar Haradinaj.