Zjarr jashtë një objekti tregtar në Kamenicë – flasin nga Policia

Një zjarr ka shpërthyer sot jashtë një objekti tregtar në Kamenicë.

Lajmin e ka konfirmuar zëdhënësi i policisë për rajonin e Gjilanit, Ismet Hashani.

I njëjti bëri me dije se zjarri është lokalizuar dhe se s’ka persona të lënduar nga ky incident.

“Më 30.08.2025 policia e Kosovës në Kamenicë është njoftuar për një rast zjarri që kishte shpërthyer jashtë një objekti tregtar në Kamenicë. Njësitet policore me urgjencë kanë dalë në vendin ngjarjes po ashtu edhe zjarrfikësit të cilët kanë arritur ta lokalizojnë zjarrin. Sipas hetimeve të para janë shkaktuar dëme materiale, nuk ka persona të lënduar”.

Hashani tha se ekspertët e zjarrfikësve po punojnë në gjetjen e shkaktarëve se si ka ardhur deri te zjarri.