“13 kilogramë për 8 ditë”, Xhuli tregon si po rikthehet në formë pas lindjes

Juliana Nura po përjeton ditët e para të mëmësisë pas ardhjes në jetë të binjakëve, ndërsa përmes rrjeteve sociale po ndan me ndjekësit momente nga përditshmëria e saj e re

Vetëm pak ditë pas lindjes, ish-banorja e “Big Brother VIP Kosova” ka folur edhe për ndryshimet që ka vërejtur në trupin e saj.

Në një postim të publikuar në Instagram Story, Juliana ka deklaruar se ka humbur 13 kilogramë brenda tetë ditësh nga lindja e binjakëve.

Ajo ka treguar se gjatë kësaj periudhe po konsumon rreth tre litra ujë në ditë, ndërsa si një tjetër faktor ka përmendur edhe ushqyerjen e binjakëve me gji.

Sipas saj, brenda 24 orëve arrin të nxjerrë deri në 1.2 litra qumësht gjiri, të cilin e ka lidhur me ndryshimin e peshës së saj pas lindjes.

Juliana u bë nënë pak ditë më parë, duke sjellë në jetë binjakët dhe duke publikuar edhe fotografitë e para me ta. Që prej atëherë, ajo ka vazhduar të ndajë me ndjekësit momente nga ditët e para të jetës së saj si nënë.